rsenal oo hogaanka sii wada, Liverpool oo guul weyn gaartay iyo Man U oo dirqi ku badisay (Sawirro)

Arsenal oo hogaanka sii wada, Liverpool oo guul weyn gaartay iyo Man U oo dirqi ku badisay (Sawirro)

Kooxda Arsenal ayaa guul dhib leh ka gaartay kooxda Crystal Palace, 10-ciyaaryahan oo ay ku ciyaareysay, kadib markii kaarka cas laga siiyay Kabtankooda Arteta oo kubad rigoore aheyd u dhaliyay ka hor inta aan laga saarin ciyaarta.

Arsenal ayaa qaab ciyaareedka ay ku soo bandhigtay garoonka Crystal Palace ay aad uga duwaneyd ciyaarihii hore, kadib guuldaradii Talaadadii ay kala kulantay kooxda Brossia Dortmund kulankii Champions League.

Goolhayaha Arsenal ayaa bad baadiyay kubado halis ahaa oo gool loo fishay, iyadoo uu ahaa geesiga Arsenal.

Dhamaadkii ciyaarta ayaa Arsenal ay neefta ka soo fuqday markii Giroud uu u dhaliyay gool labaad, kadib karoos fiican uu ka helay saaxibkiis Ramsey, dabadeedna uu madaxa ku sii raaciyay.

Arsenal ayaa hogaanka ku heysa 22-dhibcood, waxaana guushan ay uga dhigneyd in wali hogaanka ay baaqi ku sii ahaato oo ay labo dhibcood ku sii heyso.

Kooxda Liverpool ayaa guul weyn ka gaartay kooxda Westbromwich Albion oo beryahan laga yaabanaa, waxaana ay ku xaaqday 4-1, goolasha ayaa waxaa saddex ka mid ah dhaliyay Suarez, oo ahaa goolasha loo yaqaano Hatrick.

Sidoo kale Kooxda Manchester United ayaa gurigeeda ay si dhib ah ku badisay, kadib markii kooxda Stoke City oo marti ku aheyd Old Trafford ay goolal kaga naxsatay.

Peter Crouch ayaa Stoke goolasha u furay daqiiqadii 3aad, waxaase u bar bareeyay Manchester Van Persie, hase ahaatee mar kale Stoke ayaa hogaanka ku qabatay kubad Laad xor aheyd.

Hase yeeshee daqiiqadii 77aad ayaa waxaa goolka bar baraha u dhaliyay Wayne Rooney oo ciyaarta ka dhigay 2-2, waxaase labo daqiiqo kadib goolka guusha u dhaliyay Hernandez, waxaana Manchester ay si xaraarug ah ay uga badisay Stoke 3-2.

Xulka Soomaaliya oo guul weyn ka gaaray Xulka Zambiya Ciyaaraha Perth world cup 2013

Iyadoo magaalada Perth ee galbeedka dalka Australia uu ka soconayo tartanka Perth World cup 2013 ayaa cayaartoyda dalka Soomaaliya u meteleysa tartankaasi waxay gaareen guul weyn,kadib markii ay garaaceen dhigooda Zambia oo ay kuwada jiraan Group-ka B.

Ciyaaryahanada ku ciyaaraya magaca Soomaaliya ayaa kulankii koowad si dirqi ah 1-0 looga badiyey markii ay la ciyaareen kuwa Brazil oo dadkii daawanayey kulankaasi ay khireen in Somalidu u qalmeen inay guuleystaan ciyaar wanaagii ay soo bandhigeen marka la eego.

Kulanka Somalia ay kala hortagtey Zambia ayaa waxaa uu ku bilowdey dar-dar weerar iyo weerar celis iyadoo Tababare C/Xakh uu saxaafadda dalka Austrelia u sheegay in kooxdiisu aad u diyaarsan tahay ayna guul ka rajeynayaan guud ahaan kulamada Groupka ee haray.

Daqiiqadii 13-aad ee qeybta hore ayaa xidigaha Soomaaliya u suurta gashey inay helaan Gool, kaasi oo uu saxiixey ciyaaryahanka khadka dhexe oo lagu naaneyso Medamo,laakiin isla qeybtii hore daqiiqadii 35-aad ayey Zambiyan-ku heleen goolkii bareejada oo 1-1 ayaa lagu kala nastay qeybta hore.

Markii dib loo soo laabtay ayuu tababare Cabdull-Xakh oo la tashanaya Team Manager Ibraahim Axmed wuxuu sameeyey bedel,isagoo soo geliyey ciyaaryahan weerarka ka dheela oo lagu magacaabo Ayaanle kaasi oo daafacyada Zambia celin waayeen ilaa ay ku jalaafeen diilinta ganaaxa dhexdeeda,sidaasina gool-ku laad ay heleen Somaliya waxaa Gool u bedelay ciyaaryahan C/laahi Salaad oo katirsan ciyaaryahanada dheesha horyaalka sare ee A-league.

Intaasi wixii ka danbeysey oo ay xidigaha Somaliya hogaanka u hayeen ciyaarta,ayaa waxaa daqiiqadii 68-aad goolkii 3-aad u saxiixey Ayaanle oo halkaasi ku rafiyey daafacyadii xooga badnaa ee Zambia,oo ugu danbeyntiina dhamaadkii kulanka goolkii 4-aad uu ka xareeyey xidigii bilaabay goolasha ee Medamo sidaasina Somaliya 4-1 kaga adkaatey Zambia kulankii 2-aad ee tartanka caalamiga ah ee Perth Soccer World Cup 2013.

Gudoomiyaha Xulka Somalia Ibraahim Axmed ayaa dhamaadkii ciyaarta saxaafadda u sheegay in guushan ay bilow u tahay dadaalka ay doonayaan inay koobka ku qaadaan oo ay soo gaaraan kama dambeysta tartanka,isagoo u mahadceliyey una hambalyeeyey dhamaan Soomaalida ku nool gudaha Austrelia iyo caalamka intiisa kale oo guushaasi la qeybsanayaan.

“Kooxda waxaa leylinaya Manager fiican oo heerka ugu sareeya gaarsiiyey kooxo dhowr ah,anigana hore sanadkii 2009 ayaan la shaqeeyey oo aan u ahaa ku-xigeen xiligaa oo aynu ku guuleysaney qeybta juniorka oo Somaliya qaadey koobkii a waxaan rajeyneynaa inaan ku guuleysano hadii eebe uu aqbalo”ayuu raaciyey.

Xidigaha Somaliya oo iminka 3-dhibcood leh,ayaa kulankooda ugu soo horeeya waxay 5-ta bisha November la yeelanayaan Xulka Chile,iyadoo dalalka Seria Lione,Italia,Greece,Croatia iyo dalal kale ay ku jiraan Group-ka.